Энэ жил анх удаа их дуулга ангиллаар зохион байгуулагдаж буй жүдо бөхийн Анталягийн их дуулга тэмцээнд таван тивийн 92 орны 437 тамирчин зодоглож байна.
Эхний өдрийн дараах байдлаар Итали улсын баг, тамирчид нэг алт, нэг мөнгөн медаль, хоёр шагналт байр эзэлсэн амжилтаар тэргүүлж Канад улсын баг, тамирчид нэг алт, нэг мөнгөн медаль хүртсэн амжилтаар удаалж байлаа. Тэмцээний эхний өдрийн цэвэр ялалтуудын түүвэр бичлэгийг ЭНД дарж үзнэ үү.
Харин өчигдөр (дөрөвдүгээр сарын 2) эрэгтэйчүүдийн -73кг, -81кг, эмэгтэйчүүдийн -63кг, -70кг жингийн барилдаанууд явагдан эрэгтэйчүүдийн -73кг жинд олимпын аварга Италийн Фабио Басиле алт, мөн түүнчлэн эрэгтэйчүүдийн -81кг жинд залуучуудын дэлхийн аварга Италийн Парлати Кристиан мөнгөн медаль хүртсэнээр Итали улс багийн дүнгээр тэргүүлсэн хэвээр үлдлээ. Харин эрэгтэйчүүдийн -81кг жинд дэлхийн аваргын хүрэл медальт Туркын Албирак Ведат нутгийн дэвжээнээ алтан медаль хүртсэн байна.
Өнөөдөр тэмцээний сүүлийн өдөр хүнд жингийн барилдаанууд явагдаж байна.
