Насанд хүрээгүй хүүхэдтэй хуурамч хаяг үүсгэн чаталж байсан иргэнийг эцэг эхийн тусламжтайгаар баривчилжээ.

Тус этгээд нь сурагч охинд амттан авч өгөх, сургууль гэрийг нь асууж, улмаар гэрийнх нь гадаа сургуулийнх нь гадаа уулзъя гэж бичсэнийг тухайн охины ээж нь мэджээ. Ингээд бусдад сэрэмжлүүлэх үүднээс тус этгээдтэй харилцаж, ХУД-ийн Цагдаагийн 1-р хэлтсийн хамт олонтой хамт гэмт этгээдийг үйлдэл дээр нь баримт нотолгоотой баривчилсан тухайгаа өөрийн цахим хуудастаа нийтэлжээ.    

-Өчигдөр унтах гээд хүүхдүүдийнхээ утсыг хурааж аваад Wifi-г нь хаах зорилготой байж байтал охины минь утсанд чат ирэв. Хальт хартал юу вэ нэг хуурамч хаягтай хүн охин руу минь чат бичиж зодолдохыг зааж өгөх, амттан авч өгөх, сургууль гэрийг нь асууж улмаар гэрийнх нь гадаа сургуулийнх нь гадаа уулзъя гэсэн байна. Энэ чатыг нь би уншаад шууд BLOCK хийе гэж бодсон боловч дараа нь бас өөр хэн нэгний хүүхэд гэмт хэргийн хохирогч болчих байх гэсэн үүднээс таслан зогсооход бага ч гэсэн нэмэр болъё гэж бодоод охиныхоо өмнөөс хуурамчаар чаталж эхэллээ. Гэрийн хаягаа худлаа зааж маргааш нь уулзахаар болж охиноо утсаар яриулсаар байгаад ХУД-ийн Цагдаагийн 1-р хэлтсийн хамт олонтой хамт гэмт этгээдийг үйлдэл дээр нь баримт нотолгоотой баривчлав. Анхаарал хэнд ч илүүдэхгүй балиар царайтай новшийг хараад аваарай!!!!

Аа тийм нэмж зөвлөхөд аль болох хүүхдийнхээ зураг бичлэгийг сошиал дээр тавихгүй байх нь зөв санагдлаа.
манайхан хонхны баяр, 9 сарын 1-нд сургуулийн гадаа зураг оруулдаг анхаармаар юм байна лээ шүү. Одоо хүүхдүүдээ ангид нь оруулж өгч ангиас нь авч байх болно гэжээ. 

Иймд эцэг эхчүүд та бүхэн өөрийн хүүхдэдээ тавих хараа хяналтаа сайжруулж, хэнтэй цахим орчинд харилцаа үүсгэж байгааг нягталж байхыг хүсье.

 

---