Сонгинохайрхан дүүргийн 18 дугаар хороо, “Залуус-1” хорооллын арван давхрын цонхоор үсэрч амиа хорлох гэж байсан эмэгтэйн амийг Нийслэлийн аврах ангийн алба хаагчид аварсан байна.

Энэ үйл явдал өнөөдөр өглөөний 09:00 цагийн үед болжээ. Дуудлагын дагуу Нийслэлийн онцгой байдлын газрын Аврах 105 дугаар ангийнхан очиж, охины амь нас, эрүүл мэндийг нь авран хамгаалсан байна.

Энэ талаар НОБГ-аас тодруулахад “Аврах ангийн бүрэлдэхүүнийг очиход 23 настай эмэгтэй тагтан дээрээс үсрэх гэж байсныг аварч, цагдаагийн байгууллагад хүлээлгэн өгч ажиллалаа” гэв. 

---