Манай сурвалжлах баг Цагдан хорих 461 дүгээр ангиас ээлжит мэдээллийг шууд дамжууллаа. ТЕГ-ын дарга асан, генерал Б.Хурцыг өчигдөр 23 цагийн үед цагдан хорих 461-р ангид авчирчээ.
Түүнийг АТГ-аас эрүүгийн хэрэг үүсгэн шалгаж байсан. Гүйцэтгэх ажлыг явуулахдаа хууль зөрчсөн гэсэн үндэслэлээр эрүүгийн хэрэг үүсгэн шалгаж байсан бөгөөд өнгөрсөн баасан гарагт Улсын ерөнхий прокурорын тушаалаар хэргийн мөрдөн шалгах субьектийг нь ЦЕГ-ын тусгай субьектийг шалгах газарт шилжүүлжээ.
Тус газраас Б.Хурцыг хойшлуулашгүй үйл ажиллагаа явуулж, өчигдөр орой 23 цагийн орчимд цагдан хорьсон байна.
