Хуульзүй дотоод хэргийн сайд Ц.Нямдоржоос бид цаг үeийн холбогдолтой зарим зүйлсийг тодрууллаа.
-ТEГ-ын дарга асан Б.Хурцыг баривчилсан байна. Мөн Э.Бат-Үүлийг баривчлах гэж байгаа гэх мэдээлэл байна?
-Б.Хурцыг баривчилсан гэсэн мэдээлэл өчигдөр надад ирсэн. Э.Бат-Үүлийг баривчлах гэж байгаа талаар мэдээлэл байхгүй. Наадах чинь одоохондоо худал мэдээлэл байна.
-Таныг Тагнуулын Ерөнхий газраас гурван хэрэг дээр шалгаж байгаа гэсэн мэдээлэл гарч байна?
-Одоогоор надад мэдэгдсэн юм алга. Тагнуулынхан надтай уулзаагүй удаж байна. Өнөөдөр дахин хэрэг үүсгэлээ гэх мэт элдэв юм хэвлэлээр гараад байхаар нь би асуусан. Үгүй л гэж байна лээ. Захиалагатай юм байлгүй дээ.
-Улсын нууцтай холбоотой мэдээллийг таныг ил болгосон гэж буруутгаж байгаа юм уу?
-Хүн тамлах чинь улсын нууц юм уу. Эрүүдэн шүүх чинь нууц биш ш дээ. Улсын нууцын хууль гэж байна. Төрийн хамгаалалтад авсан, задруулбал үндэсний эрх ашиг, үндэсний ашиг сонирхолд хохирол учруулах мэдээллийг улсын нууц гэнэ гээд тодорхой заачихсан байгаа. Наадах чинь нууцтай хамаарахгүй.
-Сайд аа, таны хүүг Австрали дахь Элчин сайдаар томилогдох гэж байгаа гэж яригдаж байна?
-Чи одоо болно хөөш. Хаанахын ямар сэтгүүлч яваад байгаа юм бэ...
