Испанийн Ла лигийн хүрээнд Барселона клуб 63 оноотойгоор хүснэгтийг тэргүүлж буй бол тэдний ард Атлетико Мадрид баг 56 оноотой хоёрт бичигдэж байна. Харин Реал Мадрид клубын хувьд хэдийгээр гуравт бичигдэж байгаа ч тэргүүлэгч Барселона клубээс даруй 12 оноогоор тасраад байгаа юм.
Амжилт нь эрс муудаж буй Реал Мадрид клубын дасгалжуулагчаар тэдний хуучны анд Зидан эргэн ирэхээр болжээ. Зинадин Зиданы хувьд 2016-2018 оны хооронд Реал Мадрид багтай аваргуудын лигийн цомыг гурвантаа өргөж байсан тэрээр 10 сарын дараа эргэн ирж буй нь энэ юм. Реал Мадрид баг түүнтэй 2022 он хүртэл гэрээг үзэглэсэн байна.
Ла лигийн хүснэгтийн 3-т бичигдэж буй Реал Мадрид - Реал Валладолид багуудын тоглолтын тойм бичлэгийг хүлээн авч үзнэ үү. Тэд энэ тоглолтод Реал Валладолид багийг 4:1-ээр буулган авсан юм.
