Эрүүл мэндийн яамнаас цаг үеийн асуудлаар мэдээлэл өглөө.
Эрүүл мэндийн сайдын зөвлөх О.Батбаяр:
-Манай улсад Омикроны BA.4, BA.5 хувилбар нь 10 орчим хувийг эзэлж байна. Дэлхийн бусад улс оронд илэрсэн өнгөрсөн долоо хоногийн тохиолдлын тоог бүсчлээд үзвэл, Зүүн өмнөд Азид 37 хувиар өссөн. Япон, БНСУ-д тохиолдлын тоо 2-3 дахин нэмэгдсэн.
Манай улсад Омикроны энэ хувалбар долдугаар сарын сүүл үеэр эзлэх хувь 80-90 хувь болж нэмэгдэх магадлалтай байна. Мөн Омикроны BA.4, BA.5 хувилбар нь сүүлийн хувилбар биш гэдгийг эрдэмтэд хэлж байгаа.
Манай улсын хувьд 2021 оны долдугаар сараас хойш цар тахалтай тэмцэх бодлого явуулж эхэлсэн анхны улсуудын нэг. Тиймээс шинэ давлагаа эхэлж байгаа ч хөл хорио тогтоохгүй. Харин иргэд амны хаалтаа зүүх, олон нийтийн арга хэмжээнд оролцохгүй байхыг уриалж байна. Энэ ВА4, ВА5 нь омикроны сүүлийн хувилбар биш. Дахин өөр хувилбар гарах магадлалтай гэдгийг анхааруулж байна.
BA.4, BA.5 хувилбарын хувьд толгой өвдөх шинж тэмдгээр эхэлж, нус гоожих, хоолой өвдөх, хоолой хорсох, юм залгиж чадахгүй болох, бөгшүүлж ханиалгах шинж илэрч байгаа. Ингэж тасралтгүй ханиаснаас болж уушгины жижиг судаснууд тасарч, цустай цэр гарах шинж тэмдэг голлож байна.
Хүүхэд энэ хувилбараар өвчилсөн тохиолдолд эхний гурав хоног халуурч, ханиалгаж, гурав дахь хоногоос гайгүй болж байгаа. Мөн хэвлийгээр өвдөх, бөөлжих, гүйлгэх, шинж тэмдэг илэрч байна. Эцэг эхчүүд хүүхдээ ханиалгахад сандарч, эмнэлэгт хэвтэх хүсэлт ихээр тавьж байгаа. Эрүүл мэндийн байгууллагын зүгээс халдвар авсан хүүхэд, насанд хүрэгчдийг гэртээ эмчилгээ хийж, эм уух, халуун хоол цай хэрэглэж дархлаагаа дэмжихийг зөвлөж байна.
Гэхдээ амт, үнэр алддаг шинж тэмдэг энэ хувилбар дээр илрэхгүй байгаа нь ажиглагдсан гэв.
Хөл хорио тогтоохгүй гэхээр аюулгүй гэсэн үг. Хэрвээ амь насанд аюултай байсан бол хөл хорио тогтоох байсан. ЭМД санг хэдэн ч удаа хоословдоо та нар. Нэг хүнийг 7 саяаар эмчилсэн гээд байгаа. Одоо л бас тийм үнээр эмчилж мөнгө идэж уусаар л байна уу та нар.
хэнии мэргэнд тэгэж буугаав