Улсын төсвийн хөрөнгө оруулалтаар хийгдэж буй барилгуудын төсөвт өртөг нэмэгдсэн. Үүнтэй холбоотойгоор хийж буй магадлалын хугацаа наймдугаар сарын 1-нд дуусах юм. Энэ талаар болон бусад цаг үеийн асуудлаар Барилга хот байгуулалтын яамнаас хэвлэлийн бага хурал хийж байна.
БХБЯ-ны Төрийн нарийн бичгийн дарга С.Магнайсүрэн:
-2022 оны нэгдүгээр сарын 1-нээс хойш төсвийн ерөнхийлөн захирагч нартай хамтарч ажилласан. 1122 төсөл арга хэмжээ жагсаагдан ирснээс 800 гаруй төсөл, арга хэмжээний үнийг магадлах шаардлагатай гэж үзсэн.
534 төсөл арга хэмжээ Барилгын хөгжлийн төв, Зам тээврийн хөгжлийн төв, Эрчим хүчний хөгжлийн төвүүдээр орж магадлагдсан. Ингээд 2023 оны төсөвт нийт 274,3 тэрбум төгрөг шаардлагатай гэж үзэж, Засгийн газарт танилцуулсан, дэмжсэн.
Улсын төсвийн хөрөнгөөр ажил хийж байгаа үлдсэн 371 төсөл, арга хэмжээг гүйцэтгэж байгаа компаниуд наймдугаар сарын 1-нээс өмнө магадлалдаа орохыг хүсэж байна.
