Японы мэргэжлийн сумо бөхийн уламжлалт Нацү башё маргааш /05.08-ны өдөр/ албан ёсоор эхэлнэ.
Энэ удаагийн нацү башёд Ичиножо А.Ичинноров ковидийн халдвар авсны улмаас өнжиж байгаа бол Тэрүнофүжи Г.Ган-Эрдэнэ тэргүүтэй манай 18 бөх, таван зиндаанд хүч үзнэ. Нацү башёд зодоглох монгол бөхчүүдийн банцүкэ мэдээллийг ЭНД дарж үзнэ үү.
Башёгийн эхний өдөр Тэрүнофүжи Г.Ган-Эрдэнэ аварга өөрийн хүчтэй өрсөлдөгч Комүсүби Дайешотой 12 дахь удаагаа учраа таарсан байна. Хоёр бөхийн даваа, унааны харьцаа: Тэрүнофүжи Г.Ган-Эрдэнэ 7:4 Комүсүби Дайешо
Харин Кирибаяма Б.Лхагвасүрэн Озеки Шодайтай ес дэх удаагаа учраа таарах ба Кирибаяма Б.Лхагвасүрэн хүчирхэг Озекиг өмнө нь нэг л удаа даваад байгаа юм.
Нацү башёгийн эхний өдөр дээд зиндаанд барилдах монгол бөхчүүдийн оноолтын мэдээлэл:
Маэгашира 15 Азумарюу С.Тодбилэг - Маэгашира 13 Юутакаяама
Маэгашира 11 Чиёошома Г.Мөнхсайхан - Маэгашира 12 Мёогирюу
Комүсүби Хошорюу С.Бямбасүрэн - Маэгашира 4 Эндо
Маэгашира 3 Тамаваши Б.Мөнх-Оргил - Секиваке Аби
Маэгашира 2 Кирибаяама Б.Лхагвасүрэн - Озеки Шодай
Ёкозүна Тэрүнофүжи Г.Ган-Эрдэнэ - Комүсүби Дайейшо
Спортын төрөлж мэдээ, мэдээллийн www.livetv.mn/sport суваг уламжлал ёсоор сумо бөхийн нацү башёг шууд дамжуулан үзүүлнэ.
