Өнөөдөр мэргэжлийн боксын хамгийн нэр хүндтэй холбоо болох WBC холбооны хүнд жингийн аваргын бүсний тулаан явагдлаа.
Бүтэн жил гаруй хугацаанд үзэгчдийг хүлээлгэсэн тулаан үнэхээр үзүүштэй байлаа. Тэдний эхний тулаан 2018 оны 12 дугаар сард тэнцээгээр өндөрлөж байсан бол хоёр дахь тулаанд (2020 оны хоёрдугаар сард) Т.Фюри долоодугаар үед хүнд цохилтоор өрсөлдөгчөө буулган авч аваргын бүсийг эзэмших болсон билээ. Тэгвэл гурав дахь тулаан янз бүрийн шалтгаанаар хэдэнтээ хойшилсны эцэст өнөөдөр боллоо.
Хоёр боксчин өнөөдөр ээлжлэн бие, биенээ хүнд цохилтоор унагаж тоолуулсан үнэхээр үзүүштэй тулаан боллоо. Эцсийн мөчид буюу 11 дүгээр үед Тайсон хэд хэдэн удаа угсаа хүнд цохилт хийж өрсөлдөгчөө буулган авлаа.
Тайсон Фюригийн хувьд мэргэжлийн 32 тулаанд орж 31 ялалт, нэг тэнцээтэй болсон бол хуучин аварга Д.Уэйлдэрийн хувьд 45 тулаан хийж 42 ялалт, хоёр ялагдал, нэг тэнцээтэй боллоо.
