Өнөөдөр жүдо бөхийн Тбилисийн их дуулга тэмцээн сүүлийн өдрөө хүнд жингийн барилдаануудаар үргэлжлэн явагдаж байна.
Өнөөдөр тэмцээний сүүлийн өдөр хуваарийн дагуу эрэгтэйчүүдийн -90, -100, +100кг, эмэгтэйчүүдийн -78, +78кг жингийн барилдаанууд явагдаж байгаа ба манай улсаас ОУХМ Г.Алтанбагана, ОУХМ Ө.Дүүрэнбаяр, ОУХМ Э.Гандиймаа нар барилдлаа. Манай бөхчүүдийн оноолтын мэдээллийг ЭНД дарж үзнэ үү.
Манай бөхчүүдийн явцын мэдээлэл:
Эмэгтэйчүүдийн +78кг жин:
ОУХМ Э.Гандиймаа эхний тойрогт Казахстаны бөхөд ялагдсанаар тэмцээнээ дуусгалаа.
Эрэгтэйчүүдийн +100кг жин:
ОУХМ Ө.Дүүрэнбаяр эхний тойрогт гоц мөргөж хоёрдугаар тойрогт Узбекистаны бөхөд ялагдсанаар тэмцээнээ дуусгалаа.
Эрэгтэйчүүдийн -90кг жин:
ОУХМ Г.Алтанбагана эхний тойрогт гоц мөргөж хоёрдугаар тойрогт Лихтенштайн улсын бөхийг цэвэр яллаа. (тус барилдааны бичлэгийг ЭНД дарж үзнэ үү) Улмаар хоёрдугаар тойрогт Унгарын бөхтэй барилдан нэмэлт цагт торгуулиар цэвэр ялснаар хэсгийн аваргын төлөө барилдах эрхтэй болсон юм. Хэсгийн аваргын төлөөх барилдаанд 2017 оны Бакугийн их дуулгын аварга Казахстаны И.Бозбаевтэй барилдан торгуулиар цэвэр яллаа. Хоёр бөхийн хувьд өмнө нь 2019 оны Абу Дабигийн их дуулга тэмцээнд учраа таарахад манай бөх ялагдаж байлаа.
ОУХМ Г.Алтанбагана хагас шигшээд Италийн Н.Мунгайтай барилдан ялагдсанаар хүрэл медалийн төлөө тун удахгүй Узбекистаны залуу бөхтэй барилдахаар боллоо.
