Жүдо бөхийн Европын аварга шалгаруулах тэмцээн үзэгчдийг огшоосон, өрсөлдөөн ихтэй явагдаж байна.
Тэмцээний эхний өдөр ОХУ-ын бөхчүүд нэг алт, нэг мөнгө, гурван шагналт байр эзэлсэн амжилтаар тэмцээнд оролцож буй 40 орныг медалийн чанараар тэргүүлж байсан бол өчигдөр Францчуудын өдөр байлаа. Тодруулбал: Хуваарь ёсоор өчигдөр эрэгтэйчүүдийн -73, -81, эмэгтэйчүүдийн -63, -70 кг жингүүдийн барилдаан явагдаж эмэгтэй хоёр жинд Франц бөхчүүд илүүрхлээ.
- Эмэгтэйчүүдийн -63кг жинд олимпийн мөнгө, дэлхийн аваргын дөрвөн алт, хошой мөнгөн медальт К.Агбененоу алтан медаль
- Эмэгтэйчүүдийн -70кг жинд дэлхийн аваргын хүрэл медальт М.Пинот алт, дэлхийн аваргын алт, мөнгөн медальт Э.Марие хүрэл медаль тус тус хүртлээ.
Таамаглаж байсны дагуу олимп, дэлхийн медальтнууд олноороо өрсөлдсөн эрэгтэйчүүдийн -73кг жингийн барилдаанууд тун ширүүхэн өрнөлөө. Тэмцээний хоёр дахь өдрийн цэвэр ялалтуудын түүвэр бичлэгийг хүлээн авч үзнэ үү.
Өнөөдөр тэмцээн хуваарийн дагуу эмэгтэйчүүдийн -78, +78, эрэгтэйчүүдийн -90, -100, +100кг жингүүдийн барилдаан явагдах ба Улаанбаатарын цагаар 17:00 цагт манай сайт шууд дамжуулан үзүүлэх болно.
