Жүдо бөхийн Европын залуучуудын аварга шалгаруулах тэмцээний эхний өдрийн финалын барилдааныг толилуулж байна.
Хорват улсын Порек хотноо жүдо бөхийн Европын залуучуудын аварга шалгаруулах тэмцээн өчигдөр албан ёсоор эхэллээ. Тус тэмцээнд Европ тивийн 36 орны 352 жүдоч оролцож байна.
Хуваарь ёсоор тэмцээний эхний өдөр эрэгтэйчүүдийн -60, -66, эмэгтэйчүүдийн -48, -52, -57кг жингүүдийн барилдаан явагдлаа. Манай сайт уламжлал ёсоор шууд дамжуулан үзүүлж байгаа ба урьд шөнө явагдсан хөнгөн жингийн медалийн төлөөх барилдаануудыг үзэж сонирхоно уу.
Эхний өдөр ОХУ-ын баг тамирчид хоёр алт, нэг мөнгөн медаль, гурван шагналт байранд орсон амжилтаар тэмцээнд оролцож буй 36 улсыг тэргүүлж байна.
Тэмцээн өнөөдөр Улаанбаатарын цагаар 17:00 цагт эрэгтэйчүүдийн -73, -81, эмэгтэйчүүдийн -63, -70кг жингүүдийн барилдаанаар үргэлжлэн явагдах ба www.livetv.mn/sport сайт уламжлал ёсоор шууд дамжуулан үзүүлэх болно.
