Аваргуудын лигийн хасагдах шатны хариу тоглолтууд явагдаж байна.
Эхний хариу тоглолтууд болох Валенсиа 3:4 Аталанта, Лиепзиг 3:0 Тоттенхам тоглолтуудын тоймыг үзэхийн тулд ЭНД дарна уу.
Урьд шөнө дараах тоглолтууд явагдлаа.
- Ливерпүүл 2:3 Атлетико Мадрид
- ПСЖ 2:0 Дортмунд
Ливерпүүл клуб Атлетикод хоёр дараалан хожигдлоо
Ливерпүүл клуб хасагдах шатны эхний тоглолтод Атлетико Мадридын алдарт Эстадио Метрополитано цэнгэлдэхэд зочлон 1:0 харьцаагаар хожигдсон юм. Өнгөрсөн жил энэ л цэнгэлдэхэд аваргын титмийг өргөж байсан тус клуб урьд шөнө хариу тоглолтоо өөрийн Анфилд цэнгэлдэхдээ Атлетико Мадридыг хүлээн авч тоглолоо. Өмнөх тоглолтод ердөө нэг л гоол орсон тул тэд талбай дээрээ 2 гоол оруулах, хаалгандаа гоол алдахгүй байхад л хангалттай байлаа. Тоглолтын 43 дахь минутад Вижналдумын оруулсан гоолоор Ливерпүүл тэнцээгээ авч чадсан. Тоглолтын үндсэн цаг дуусч нэмэлт цагт бүх зүйл шийдэгдэв.
94 дэх минутад Фирмино хожлын гэж хэлж болох гоолыг хийсэн ч Атлетико Мадрид эцсийн мөчид гурван гоол оруулах юм гэж хэний ч санаанд ороогүй биз. Лиоренте 97, 105+1 дэх минутад дабль хийсэн бол Мората 120+1 дэх минутад гоолдож багаа шөвгийн 8-руу хөтөллөө.
Атлетико Мадрид болон Ливерпүүл клубын хасагдах шатны эхний тоглолтын тоймыг ЭНД дарж нөхөж үзнэ үү.
http://form-1035481.ssr.ias-lab.de