Аваргуудын лигийн хасагдах шатны хариу тоглолтууд урьд шөнө эхэллээ.

Урьд шөнө гоол арвинтай тоглолтууд явагдлаа. 

• Валенсиа 3:4 Аталанта
• Лиепзиг 3:0 Тоттенхам

Аталанта клуб Италичуудад итгэл найдвар бэлэглэлээ

Түүхэндээ анх удаа хасагдах шатанд шалгараад буй Атланта клуб хасагдах шатны эхний тоглолтод  Валенсиа клубыг талбай дээрээ хүлээн авч 4:1 харьцаагаар бут ниргээд байсан бол урьд шөнө Валенсиагийн талбай дээр 3:4 харьцаатайгаар бут ниргэлээ. Өмнөх тоглолтод Аталанта клубын Личич нэг гоол оруулаад байсан бол энэ удаад дөрвөн гоол оруулж гангарлаа. Ийнхүү хоёр тоглолтын нийлбэр дүнгээр Аталанта клуб 4:8 харьцаагаар Валенсиаг бут ниргэж корона вирусийн улмаас айдаст автаад буй Италийн ард түмэнд итгэл найдвар бэлэглэлээ. 

Лиепзиг клуб мөн анх удаа шөвгийн 8-д шалгарлаа

Лиепзиг клуб аваргуудын лигийн хасагдах шатанд анх удаа шалгарахын сацуу шөвгийн 8-д үлдлээ. Тэд аваргуудын лигийн хүрээнд Английн багтай анх удаа тулсан нь энэ бөгөөд хүчирхэг Тоттенхам клубыг хоёр дараалан хожлоо. Өмнөх тоглолтод Тоттенхамын талбайд 1:0 харьцаагаар хожиж байсан бол урьд шөнө өөрийн талбай дээрээ 3:0 харьцаагаар бут ниргэлээ. Урьд шөнө Сабитзер дабль хийсэн бол Форсберг эцсийн цэгийг хатгалаа. Лиепциг клуб аваргуудын лигийн шөвгийн 8-д үлдсэн долоо дахь баг болжээ. Тэд байгуулагдаад ердөө 10 жил болж байгаа ч гайхамшиг бүтээсээр байна.  

Багуудын хасагдах шатны эхний тоглолтуудыг нөхөж үзэхийг хүсвэл ЭНД дарна уу.