Fiba 3x3 сагсанбөмбөгийн Манила Мастерс тэмцээнд Улаанбаатар, Зайсан, Сансар, Завхан ММС Энержи багууд өрсөлдөж Улаанбаатар ММС Энержи, Сансар ММС Энержи багууд хасагдах шатанд шалгарлаа.
Филиппин улсын Манила хотноо Манила Мастерс тэмцээн зохион байгуулагдаж байгаа ба Сербийн алдарт UB, Лиман, Белгийн Антверп болон Польш, Япон, Энэтхэг, Шинэ Зиланд, Австралийн шилдэг багуудын эсрэг ММС Энержигээр овоглосон монголын шилдэг дөрвөн баг хүч өрсөлдлөө. Өчигдөр хэсгийн тоглолтод Улаанбаатар ММС Энержи баг Филиппиний Манила багийг 22:11, нутаг нэгт Зайсан багийг 22:17 харьцаагаар тус тус буулган авч өнөөдөр хасагдах шатанд Австралийн Мелборн багтай тоглоно.
Тэгвэл Сансар ММС Энержи багийн хувьд хэсэгтээ Белгийн алдарт Антверп багийг 21:13 харьцаагаар хожиж Мелборн багт 22:16 харьцаагаар хожигдсон ч хэсгээсээ хоёроор гарлаа. Өнөөдөр тэд Филиппиний Манила багтай тоглох хуваарьтай байна.
Манай багуудын тоглолтын хуваарь /Улаанбаатарын цагаар/:
16:25 цагт Улаанбаатар vs Мелборн /Австрали/
17:00 цагт Сансар vs Манила /Филиппин/
