Урьд шөнө хөлбөмбөгийн ертөнц дэх оны шилдгийг шалгаруулах 64 дэх удаагийн Ballon d`Or буюу “Алтан бөмбөг” шагналыг гардуулах ёслол болж өнгөрлөө.
Энэ жилийн хувьд шилдэг хөлбөмбөгчнөөр шалгарах магадлал өндөртэй тамирчнаар Лионел Месси, Роналдо, Ван Дик нар яригдаж байсан ба хэрэв Месси, Роналдо хоёрын нэг нь алтан бөмбөгийн эзэн болбол хөлбөмбөгийн түүхэнд зургаа дахь удаагаа уг шагналыг хүртэх анхны хүн болох учиртай байлаа.
2019 оны шилдэг хөлбөмбөгчин шагналыг Аргентины шигшээ болон Испанийн Барселона клубын ахлагч, домогт Лионель Месси зургаа дахь удаагаа хүртлээ. Тэрээр хамгийн сүүлд 2015 онд уг шагналыг тав дахь удаагаа хүртэж байсан юм.
Харин энэ цагийн Английн хөлбөмбөгийн Премьер лигийн топ баг болох Ливерпүүл клубын Ван Дейк удаалж тус багийн хаалгач Алисон Бэйкер шилдэг хаалгач шагналыг мөн хүртсэн байна.
Мөн яг энэ үйл явдалтай зэрэгцэн Италийн Милан хотноо Ювентус клубын супер од Роналдо Италийн оны шилдэг хөлбөмбөгчин шагналыг хүртсэн байна.
