Ардчилсан намын гишүүд дэмжигчид өнөөдөр 11 цагаас Австрали Улсаас Монгол Улсад суугаа Элчин сайд Дэйв Боусэнд Хууль зүй, дотоод хэргийн сайд Ц.Нямдоржийн хүү Н.Анхбаярыг Австрали Улсад суух элчин сайдаар томилуулахгүй байх тухай асуудлаар өргөх бичиг барилаа.
АН-ын гишүүн Т.Гантөр
"Австралийн холбооны улсаас Монгол Улсад суугаа элчин сайд та Монгол Улсад үүсээд байгаа ардчилал, шударга ёсны нөхцөл байдлыг ойлгож байгаа байх. Хууль зүй, дотоод хэргийн сайд Ц.Нямдоржийн хүү Н.Анхбаяр нь "Эрдэнэт" үйлдвэрт аавынхаа нэр нөлөөгөөр шахаа хийж байсан хүн юм аа. Үүнийг нь Ц.Нямдорж өөрөө хүлээн зөвшөөрсөн ярилцлагыг хэвлэлд өгч байсан. Түүнчлэн Н.Анхбаяр нь Гадаад харилцааны яамны Төрийн захиргаа, удирдлагын газрын захирлаар ажиллаж байх үедээ гадаад руу томилон явуулсан хүмүүс нь эхнээсээ их хэмжээний хар тамхи тээвэрлэж яваад баригдсан гэх хэрэгт холбогдоод байна. Н.Анхбаяр бол Монгол Улсыг олон улсад төлөөлөх ёс зүйгүй хүн юм. Өнөөгийн парламент хэт олонхоороо түрий барин Автрали Улсад суух элчин сайдаар Нямдоржийн Анхбаярыг өргөн барьсан хэдий ч Австрали улс нь авлига, хээл хахуулийн гэмт хэргийн эсрэг хийж буй тэмцлээрээ дэлхий дахиныг манлайлагч орны хувьд бидний шаардлагыг хүлээн авна гэж итгэж байна"
хэмээн уншиж танилцуулаад холбогдох хүмүүст өргөх бичгээ өглөө.
