Зимбабве гаралтай Тапива Гужа африкчуудын хоол хүнсний өвөрмөц амт, үнэрийг ашиглан 600 гаруй шинэ зайрмагийн амтыг боловсруулжээ.
Тэрээр Молекул биологийн Докторын зэрэг хамгаалсан бөгөөд энэ мэдлэг, чадвараа ашиглан өвөрмөц амттай зайрмаг бүтээх болсон байна. Гужа Өмнөд Африкийн нийслэл Кейптаунд өөрийн зайрмагийн дэлгүүрээ ажиллуулдаг бөгөөд "Тапи Тапи" гэх нэртэй уг дэлгүүрээс баобаб мод, хүнсний шавар, гашуун навч зэрэг сонирхолтой амттай зайрмагуудыг амтлан, авах боломжтой аж.
Тапива Гужа "ВВС" агентлагт өгсөн ярилцлагадаа африкчуудыг хоолны өв уламжлалаараа бахархахыг хүсэж байгаагаа илэрхийлжээ.
Тэгвэл "Тапи Тапи"-гийн нэгэн байнгын үйлчлүүлэгч "Зайрмагуудын өвөрмөц амт Африк даяарх соёлын талаар хүмүүст зааж өгдөг. Эдгээр амтанд Африкийн хэл, түүх, хүмүүс ч байгаа" хэмээн ярьсан байна.
.jpg)
Эх сурвалж: BBC
