Улсын хэмжээнд 3222 иргэн тусгаарлагдсанаас өнөөдрийн байдлаар 2033 иргэн тусгаарлан ажиглалтад байна. Эрүүл мэндийн сайд Д.Сарангэрэл Халдвар гарсан орноос иргэд ирж эмнэлэгт 14 хоног тусгаарлагдсаны дараа гэртээ дахиад 14 хоног өөрийгөө тусгаарлах журмыг баталсан.
Тусгаарлагдсан иргэдийг дахин гэртээ тусгаарлагдах үйл ажиллагааг орон нутгийн Засаг захиргаа, баг, дүүрэг, хорооны түвшинд анхаарах үүргийг өгсөн. Халдвар авсан, өвчтэй нь нотлогдсон хүмүүсийг эмчилж буй эмч эмнэлгийн ажилтнууд тус хүмүүстэйгээ хамт тусгаарлагддаг.
ЭМЯ-ны хэлтсийн дарга Д.Нарангэрэл "Ажиглалтаас гарсан хүмүүс гэртээ өөрийгөө 14 хоног тусгаарлана. Гэхдээ эмнэлэгт гурван удаа даван шинжилгээ хийхэд коронавирус илрээгүй тохиолдолд эмнэлгээс гаргана.
Баримтлах дэглэм нь:
- Тухайн иргэн өөрийгөө гэртээ тусгаарлахаас гадна ажиглана,
- Гэрээр тусгаарлагдах иргэдийг гар утсандаа аппликейшнээр дамжуулж байршил тогтоогч суулгах бөгөөд түүнийг байнга асаалттай байлгана,
- Өөрийн халуунаа өдөрт хоёр удаа үзэж, харьяалах эмчид утсаар болон цахимаар мэдээлнэ,
- Хэрвээ өвчний шинж тэмдэг илэрвэл 119,103, 80086829 зэрэг утсанд мэдээлэх ёстой,
- Гэрээсээ гарахыг хориглоно. Гэр бүлийн гишүүнтэй ойр байхгүйг хичээх,
- Хэрвээ тухайн иргэд гэрээсээ гадагшаа гарах, интернэтээ унтраасан тохиолдолд Зөрчлийн тухай хууль болон Эрүүл мэндийн тухай хуулиар хариуцлага хүлээлгэнэ.
- Мөн энэ хүмүүсийг сум, дүүргийн засаг захиргаа болон хүчний байгууллага хамтран гэртээ 14 хоног байхад нь хяналт тавина" хэмээн хэллээ.
Шуурхай штабын дарга бөгөөд ОБЕГ-ын дэд дарга,хурандаа Б.Ууганбаяр “Тусгаарлах байрнаас гарахад нь өөрийгөө гэртээ үргэлжлүүлэн 14 хоног тусгаарлан дэглэм сахих гэсэн албан ёсны батламж дээр гарын үсэг зуруулаад авч байна. Гэртээ байгаа эсэхийг хөршөөр нь дамжуулан хянана. Мөн гар утасны аппликейшнаар дамжуулан хянах боломжийг хэрхэн хийх талаар судалж байгаа” гэлээ. Өмнөд хөршид гэхэд нэг хүн нэг хүн, нэг хүн нэг орц, нэг хүн нэг байрыг хянан шалгах систем хэрэгжиж байгааг тэрээр онцоллоо.
ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны дарга, цагдаагийн хурандаа Ж.Амгалан “Тусгаарлагдах байрнаас гарсан иргэд 14 хоног гэртээ тусгаарлагдах ёстой. Дээрх иргэдийн хаалга, хашааны үүдэнд “Тусгаарлалт 14” гэсэн бичиг наана. Ийм тэмдэглэгээтэй газрыг тойрч, орохгүй байх хэрэгтэй байна” гэсэн юм.
odoo tsagt hurshteigee ch mendeldeggui humuuc uh conin bolchihcn shuu de bugd l huvai hicheecen dotyyr tamirtai hunii umnuuc egts harj chaddaggui yg hulgaich nohoi shug boltson shuu balai ym yrihaa boli heniig huuraad bg n
Бөөрөнхий гэрт яаж өөрсдийгээ тусгаарлах вэ, монголд гэр хороолол маш их
тусгаарлалт 14 бичиг арай л биш юм аа Дэлхийд короноогоор өвдсөн хүнийг ялгаварлан гадуурхаж болохгүй гээд байхад манайх бас хэт туйлшрах юм Тэр хүн өөрийгөө 14 хоног тусгаарлах байранд байлгаад шинжилгээ өгөөд сөрөг гараад ахиад гэртээ 14 хоног байна гэхэд заавал ийм бичиг нааж айл хөрш тэгээд цаашилахад тэр гэр бүлийг нийгэмд гадуурхагдан жигшүүлэх цаашлаад ухамсар муутай хүмүүст халдлагад өртөх аюулд оруулах ийм зүйлд оруулах шаардлаггүй гэж үзэж байна Харин тусгаарлах байруудын гадаа утас татаж энэ бичгүүдэд хадаж болох л асуудал