Америкийн Атланта хотоос Балтиморын чиглэлд нислэг үйлдэж байсан Делта Эйрлайнсын онгоцны нэг хөдөлгүүр эвдэрснээс Умард Каролинад ослын буулт хийжээ. Нислэгийн үеэр онгоцны бүхээгээс утаа гарч нэг хөдөлгүүр эвдэрснийг мэдсэн зорчигчид амьд үлдэхийг залбирч, зарим нь гэр бүлийнхэнтэйгээ салах ёс хийхээр зурвас бичсэн байсан тухай CNN мэдээлэв.
Делта 1425 дугаар нийлэгийн онгоцонд ойролцоогоор 150 зорчигч байжээ. Зорчигчдын ярьснаар газраас хөөрснөөс хойш цаг гаруйн дараа онгоцны ахмад ослын буулт хийх болсныг зарласан байна. Онгоцонд байсан Тайлер Крюгерын ярьснаар ахмадыг ослын буулт хийх тухай зарласан даруйд гар утсаа гаргаж ирэн сүлжээ байгаагүй ч ээж рүүгээ таньдаа хайртай шүү гэсэн зурвасыг илгээжээ.
MD-88 загварын онгоц даваа гарагт орон нутгийн цагаар14:20 минутын үед Рале-Дурам олон улсын нисэх буудалд амжилттай газардсан байна.
Эх сурвалж: www.cnn.com
ymar aimar ym be?