Мал хулгайлах гэмт хэргээс урьдчилан сэргийлэх чиглэлээр хийгдэж буй зарим ажил, арга хэмжээний талаар Цагдаагийн байгууллагаас мэдээлэл хүргэв.
Урьдчилан сэргийлэх газрын ахлах мэргэжилтэн, хошууч Х.Түвшинбаяр
-2023 оны жилийн эцсийн байдлаар 643 мал хулгайлах гэмт хэрэг бүртгэгдсэн байна. 2024 оны хоёрдугаар сарын байдлаар 119 энэ төрлийн гэмт хэрэг бүртгэгдсэн.
Цаг агаарын нөхцөл муудаж, цас ихээр орсон үед Сүхбаатар аймгийн Матад сум, Дорнод аймгийн Халх гол сум, Сүхбаатар аймгийн Эрдэнэцагаан сумдын нутаг дэвсгэрт бог мал их хэмжээгээр бөөгнөрсөн. Нийтдээ 50 мянга орчим эзэн нь тодорхойгүй мал бөөгнөрсөн байснаас 12 мянган малын эзнийг олж тогтоон хүлээлгэж өгөөд байна.
Дорнод аймагт хээрийн штаб байгуулагдсан байгаа. Малаа хайж буй иргэд тус хээрийн штаб руу хандах шаардлагатай. Дорнод аймаг-Алдуул мал цахим хуудас болон 80663102, 7058102 тусгай дугаарт холбогдох боломжтой.
