Ирэх сарын 4-7-ны өдрүүдэд Казахстан улсын Нурсултан хотноо жүдо бөхийн насанд хүрэгчдийн Ази тивийн аварга шалгаруулах тэмцээн зохион байгуулагдана.
Одоогоор 19 орны 182 тамирчин өрсөлдөх урьдчилсан мэдүүлгээ өгөөд байгаа ба Монгол, Энэтхэг, БНХАУ, Казахстан, Узбекистан зэрэг улсууд одоогоор бүтэн багаар оролцох мэдүүлгээ өгөөд байна. Манай улсын баг, бүрэлдэхүүний тухайд: "Токио-2020" олимпын наадмын хүрэл медальт Ц.Цогтбаатар тэргүүтэй эрэгтэй ес, эмэгтэй есөн тамирчин оролцоно.
