Массачуссетсийн иргэн Рэнди Лебар коронавируст цар тахлын хөл хорионоос болж 90 гарсан ээжтэйгээ уулзаж чадалгүй олон сар өнгөрчээ. Тэр ээжийгээ маш их санаж, өнгөрсөн жил гар утсан дээрээ ээжийнхээ бичлэгийг хийж хадгалсан гэдгээ эргэн санаж ТикТок хуудсандаа байрлуулсан байна.
Уг бичлэгт 92 настай Элайнь Лебар алдарт хөгжмийн зохиолч Бетховены Сарны сонатыг төгөлдөр хуур дээр гайхалтай тоглож байгаа нь цахим орчинд олны анхаарлыг ихэд татжээ. Нас өндөр гарсны дээр сэтгэцийн олдмол өвчтэй ч хатагтай Элайнь уг аялгууг үнэхээр гайхалтай тоглож, амилуулжээ.
