Зам тээврийн ослоор энэ долоо хоногт дөрвөн хүн амиа алдаж, есөн хүн гэмтсэн байна. Шалтгаанаар нь авч үзвэл зуны дугуйтай, өвлийн засвар үйлчилгээндээ ороогүй машинууд илүүтэй осол гаргаж байгаа юм. Иргэдийн зүгээс тээврийн хэрэгсэлдээ өвлийн үйлчилгээгээ хийлгэхийг хүссэн ч автомашины үйлчилгээ, дугуй засварууд хаалттай тул шаардлага хангаагүй хэрэгсэлтэй хөдөлгөөнд оролцсоор байна.
Нийтийн тээврийн жолоочоос коронавирусийн халдвар илэрч ойрын хавьтлын 17 хүнийг тусгаарлаад байгаа. Тиймээс иргэд нийтийн тээврээс илүү хувийн унаагаар зорчихыг илүүд үзэж байна. Гэсэн ч хөл хориотой холбоотойгоор дугуй засварууд хаалттай байгаа тул иргэд өвлийн засвар үйлчилгээндээ ороогүй тээврийн хэрэгсэлтэй хөдөлгөөнд оролцож эрсдэл дагуулсаар байна.
