Сонгуулийн санал авах өдрийн замын хөдөлгөөний нөхцөл байдалын талаар бид Тээврийн цагдаагийн албаны Урьдчилан сэргийлэх хэлтсийн дарга, хошууч Э.Энхболдоос тодруулга авлаа.
Э.Энхболд:
-Орон нутгийн сонгууль болж байгаатай холбогдуулан өнөөдрийг бүх нийтийн амралтын өдөр болгон зарласан. Мөн дугаарын хязгаарлалт энэ өдөр үйлчлэхгүй. Тээврийн цагдаагийн алба хаагчид нийслэл хотын хэмжээнд 400 орчим хэсэг дээр хөдөлгөөн зохицуулж, үүрэг гүйцэтгэж байна. Замын хөдөлгөөний ачаалал буурсан ч явган зорчигчийн хөдөлгөөн нэмэгдсэн.
Харин санал өгөхөөр ирсэн иргэд явган зорчигчийн хөдөлгөөнд саад болох, явган зам дээр машинаа байршуулах зөрчил ихээр гаргаж байна.
Мөн нийслэлийн засаг даргын захирамж гарч энэ сарын 14-өөс 16-ныг дуусталх хугацаанд архи согтууруулах ундаагаар үйлчлэхийг хориглосон. Гэвч өчигдөр буюу 10-рс арын 14-ны байдлаар согтуугаар тээврийн хэрэгсэл жолоодох зөрчил нийслэлд 26, хөдөө орон нутагт 8 тохиолдол гарчээ. Улмаар согтуугаар тээврийн хэрэгсэл жолоодсоноос болж хүн бэртэж, гэмтсэн тохиолдол ч гарсан.
Иймд замын хөдөлгөөнд оролцохдоо анхаарал болгоомжтой байхыг ТЦА-аас анхааруулж байна.
