УИХ дахь МАН-ын бүлгийн дарга Д.Тогтохсүрэн сэтгүүлчдийн асуултад хариуллаа.
-Ерөнхийлөгчийн хоригийн үндэслэлийг хэр бодитой гэж харж байгаа вэ?
-Хоёр асуудлаар хориг тавьсан юм байна. Нэгд, ард нийтийн санал асуулга, хоёрт, хуулийн нэмэлт, өөрчлөлтийг ерөнхийлөгч хууль хэлбэртэй биш гэж үзээд байгаа юм. Санаачилсан цагаас нь л ярьсан. Энэ угаасаа хууль хэлбэртэй байж болохгүй юм. Нэмэлт өөрчлөлтөөрөө явах ёстой юм.
Хоригийг хүлээж авбал УИХ-ын тогтоол хүчингүй болно. Өөрөөр хэлбэл, Ард нийтийн санал асуулга явуулахгүй. Шууд ҮХНӨ-ийн 3-р хэлэлцүүлэгт орно.
-Зүйл заалт бүрийг ерөнхийлөгчтэй зөвшилцөх хэрэг гарна гэж зарим хуульчид үзээд байна?
-Тийм юм байхгүй. Хууль баталдаг үндсэн субъект нь УИХ. Тийм учраас Их хурал өөрөө батална. Харин 3-р хэлэлцүүлэгт шилжсэн тохиолдолд зүйл заалт бүрээр нь хэлэлцэнэ. 35 заалт бүрээр 57 гишүүний ирцтэйгээр хэлэлцэж батлах ёстой.
