Японы мэргэжлийн сумо бөхийн 13 дахь өдрийн барилдааныг шууд дамжуулан үзүүлж байна.
Өнөөдрийн оноолт тун сонирхолтой үр дүнг үзүүлэхээр байна. Учир нь башёг тэргүүлэгчид болох секиваке Точиношин /9-3/ маэгашира-3 Асонояама /10-2/ нар хоорондоо учраа тааран барилдах юм. Харин Какүрюү М.Ананд аваргын тухайд /10-2/ озеки Такаясүтэй /7-5/ оноолт тааран барилдахаар болжээ. М.Ананд аварга Такаясүтэй 21 удаа учраа тааран барилдахад 12 удаад нь даваад байгаа ч сүүлийн дөрвөн башё дараалан түүнд өвдөг шороодсон үзүүлэлттэй байна.
Харин өчигдөр башёг тэргүүлэгч Асоноямаг давж качикоши хийсэн /50 хувийн амжилтаа үзүүлсэн/ Тамаваши Б.Мөнх-Оргилын хувьд өнөөдөр маэгаширагийн 1-ээс барилдаж буй Котошогикүтэй барилдахаар байна.
Жич: Шууд дамжуулалтын бичлэг тухайн өдрийн башё дуусахад хадгалагддаггүй ба хэрэв та барилдаануудыг үзэж амжаагүй бол маргааш өглөө барилдааны тоймыг үзэх боломжтой.
