Засгийн газрын ээлжит бус хуралдаан /2022.12.09/ болж хэд хэдэн асуудлыг хэлэлцэн шийдвэрлэжээ. Хуралдаанаас гарсан шийдвэрийг ЗГХЭГ-ын дарга Д.Амарбаясгалан танилцууллаа.
ЗГХЭГ-ын дарга Д.Амарбаясгалан:
-Орон нутгийн өмчит "Тавантолгой" ХК-д ХЗДХЯ-ны ТНБД П.Сайнзоригийг бүрэн эрхт төлөөлөгчөөр томиллоо. Зургаан сараар томилогдон ажиллана. Олон нийтийн дунд эргэлзээ төрүүлээд байгаа олон зөрчил болон нүүрсний хулгайтай холбоотой асуудлыг шийднэ. Шадар сайдаар ахлуулсан баг өнөөдөр очиж бүрэн эрхт төлөөлөгчид ажлыг нь хүлээлцүүлж өгнө гэлээ. БЭТ-ийн ажиллах нөхцөл боломжийг хангана.
"Тавантолгой" ХК нь орон нутгийн өмчлөлд 51, хувийн хэвшилд 49 хувь нь байдаг. Монголын нийт ард түмэнд үр өгөөж өгдөггүй. Төрийн төлөөлөл байгаа нь "Өмнөговь аймгийн удирдлагууд" гэх мэдээлэл өгдөг. Сүүлийн өдрүүдэд хилээр хоосон машин гарсан, хоёр Тавантолгойн дунд байрлах мөргөцөг алга болсон зэрэг нь уг компанид нэлээдгүй асуудал байгаа нь тодорхой болж байна гэлээ.
Зөв 32
sunu2
yalna2
arai2