Украины нийслэл Киев дор хаяж дөрвөн пуужингийн халдлагад өртсөн бөгөөд найман энгийн иргэн амиа алдаж, 24 хүн шархадсан гэж бүс нутгийн албаныхан мэдээлэв.
Тодруулбал, хотын төвийн Шевченковский дүүрэгт өнөөдөр /2022.10.10/ өглөө орон нутгийн цагаар 08:15-08:20 цагийн хооронд хоёр дэлбэрэлт болсон бөгөөд аврах албаныхан газар дээр нь ажиллаж байгаа гэж хотын дарга Виталий Кличко хэлжээ. Мөн хотын дэд бүтцийн чухал объектууд цохилтод өртсөн гэсэн юм.
Video showing impact of second rocket in Kyiv pic.twitter.com/PEgQoSsTVF
— Oliver Carroll (@olliecarroll) October 10, 2022
Нийслэл Киев сүүлийн хэдэн сарын дараа анх удаа пуужингийн халдлагад өртсөн бөгөөд энэ удаагийн цохилт илүү төвлөрсөн байдалтай байгааг шинжээчид тэмдэглэжээ. Үүнээс өмнө, Украины өмнөд хэсгийн Запорожье хот болон Днепропетровск муж шөнөжин цохилтод өртсөн ба тус улс даяар ширүүсэж буй халдлагуудын талаар Москва тайлбар хийгээгүй байна.
Украины Ерөнхийлөгч Владимир Зеленскийн зөвлөх Михайло Подоляк энэхүү нөхцөл байдлыг "санаатай халдлага" гэж нэрлээд, "ОХУ дайны талбарт тулалдах чадваргүй ч энгийн иргэдийг хөнөөх чадвартай" хэмээн олон нийтийн сүлжээндээ бичжээ.
.jpg)
Эх сурвалж: BBC, The Guardian
Bas l tsustei ulsuud shuu, puujin harvaad end tendgui delberch bhad PIZDITS geed l mashinaa joloodood ywj bdg