Японы мэргэжлийн сумо бөхийн Нацү башё 11 дэх өдрийн барилдааныг шууд дамжуулан үзүүлж байна.
10 өдрийн дараах байдлаар Таканошо, Ичияамамото нар найман даваа, хоёр унаатайгаар башёг тэргүүлж байна. Тэдний араас Ёкозүна Тэрүнофүжи Г.Ган-Эрдэнэ нарын таван бөх долоон даваа, гурван унаатайгаар нэхэж байна. Нацү башёгийн 10 дахь өдрийн барилдааны тойм бичлэг болон монгол бөхчүүдийн явцын мэдээллийг ЭНД дарж үзнэ үү.
Өнөөдөр дээд зиндаанд барилдах монгол бөхчүүдийн оноолтын мэдээлэл:
Маэгашира 15 Азүмарюү С.Тодбилэг (5-5) - Маэгашира 9 Точиношин (6-4)
Маэгашира 11 Чиёошома Г.Мөнхсайхан (4-6) - Маэгашира 17 Котокузан (1-9)
Маэгашира 2 Кирибаяама Б.Лхагвасүрэн (7-3) - Маэгашира 5 Тобизару (5-5)
Комүсүби Хошорюу С.Бямбасүрэн (6-4) - Маэгашира 4 Таканошо (8-2)
Маэгашира 3 Тамаваши Б.Мөнх-Оргил (6-4) - Озеки Шодай (3-7)
Ёкозүна Тэрүнофүжи Г.Ган-Эрдэнэ (7-3) - Секиваке Аби (5-5)
Комүсүби Хошорюу С.Бямбасүрэн өнөөдөр башёг найман даваа, хоёр унаатайгаар тэргүүлж буй Таканошотой тав дахь удаагаа учраа тааран барилдах ба өмнө нь дөрвөн удаа таарч барилдахдаа Хошорюу С.Бямбасүрэн гурав даваад байгаа билээ.
