1800-1363 лавлах утсанд 2021 оны 11 дүгээр сарын 29-ны өдрийн 16 цагийн байдлаар 700 гаруй иргэн холбогдож зөвлөгөө, мэдээлэл авчээ.
ЭМДЕГ-ын Хэрэглэгчтэй харилцах төвийн 1800-1363 утсанд шимтгэл төлөлтийн мэдээлэл авах, төр хариуцах болон нийгмийн халамжийн дэмжлэг, туслалцаа зайлшгүй шаардлагатай иргэдийн мэдээллийг ЭМД-ын цахим системд шивэх, байршуулах, хадгалах зэрэг асуудлаар өдөрт 800-1000 гаруй дуудлага хүлээн авч, шийдвэрлэн ажилладаг.
Лавлах утасны ачааллыг бууруулах, даатгуулагч-иргэдэд хурдан, шуурхай үйлчлэх зорилгоор техникийн өргөтгөл хийж 1800-1363 утсанд шинээр 25 шугам нэмсэн аж. Ингэснээр даатгуулагч та шугам чөлөөгүй үед дуудлага хийсэн тохиолдолд манай цахим программд бүртгэгдэж, операторууд өмнөх хэрэглэгчтэй ярьж дууссаны дараа тань руу 10-15 минутад эргэн холбогдож асуудлыг тань шуурхай шийдвэрлэх боломж бүрдээд байна.
Өнөөдрийн хувьд Хэрэглэгчтэй харилцах төвийн 6 оператор нэгэн зэрэг дуудлага хүлээн авч байгаа бөгөөд 16 цагийн байдлаар 1800-1363 дугаарт 700 гаруй дуудлага ирж, 66 иргэний асуудлыг газар дээр нь шийдвэрлэн ажиллажээ
