Угаарын хийн хордлогын эрсдэлээс урьдчилан сэргийлэх аяны дүгнэлт, цаг үеийн мэдээллийн талаар Нийслэлийн Агаарын бохирдолтой тэмцэх газар, “Таван Толгой Түлш” компани, Цагдаагийн ерөнхий газар, Нийслэлийн Мэргэжлийн хяналтын газар хамтран мэдээлэл хийлээ.
Угаарын хийн эрсдэлийн аяныг жил бүрийн аравдугаар сард зохион байгуулдаг. Сайжруулсан шахмал түлшийг нийтээрээ хэрэглээнд нэвтрүүлсэн цагаас эхлэн угаарын эрсдэлээс сэргийлэх ажлыг холбогдох байгууллагууд хийж хэрэгжүүлж эхэлсэн. Гэвч гэр хорооллын 200 мянган өрхөөс жилдээ 200-300 хүн угаарын хийнд өртсөөр байна.
Шалтгааныг тодруулахад шинээр нүүж ирээд угаарын хийн мэдрэгчээ аваагүй. Яндангийнхаа битүүмжлэлийг хангаагүй. Сайжруулсан түлшийг хэрхэн зөв түлэх талаар мэдээлэлгүй байдаг.
Зарим тохиолдолд даралт ихсэх толгой өвдөх үед иргэд угаарын хийнд хордлоо гэж дуудлага өгөх тохиолдол байдаг.
НЭМГ-т аравдугаар сард 430 угаарын хийн дуудлага ирсэн. Энэ нь өнгөрсөн үеийн мөн үетэй харьцуулахад 282-аар бага үзүүлэлттэй байна. 2020-2021 онд угаарын хийн дуудлага гурав дахин буурсан.
Өнөөдрийн байдлаар нийслэлийн 200 мянган өрхөөс 187 мянган өрх нь сайжруулсан шахмал түлш түлж байна.
Нийт ирж байгаа дуудлагын 70 хувь нь яндангийн хаалтыг хааснаас үүдэн угаартаж байна. Хэрэв сайжруулсан шахмал түлш түлж байгаа бол хэзээ ч яндангийн хаалтаа хааж болохгүй гэв.
