Нийслэлийн нийтийн тээврийн газраас энэ жил 12 жил ашигласан 430 автобусыг дахин нэг жил ашиглахаар болсон билээ.
12 жил тасралтай явж байгаа автобусны жолооч нарын хувьд осолдохгүй тоормос нь барьж байгаа болохоос биш эвдрэл гэмтэл, тав тухтай байдал бол алдагдсан гэсэн юм.
Автобусны жолооч: Өглөө, оройдоо хүйтэн, салхи сийхгүй газар ч гэж үгүй. Утаа униар гэж хэцүү шүү дээ. Тэгээд ч автобус компаниуд өөрсдөө аргалаад явж байгаа болохоос биш зэвд идэгдсэн, сэлбэг нь олдохоо байсан. Үзлэг оношилгоонд орж байгаа ч ийм байдалтай автобус тэнцэхгүй шүү дээ. Өөрсдийгөө хуураад аргалаад явж байна.
Тоормосоо өглөө болгон чангалаад явдаг. Осолдохгүй автобусны тоормос барьж байна шүү дээ. Ер нь бол иргэдийн амь насанд эрсдэлтэй, ямар ч найдваргүй эд бол нийтийн тээврийн автобус болчхоод байна.
Хотын дарга камерын цаанаас том, том ярьж байхаар өөрсдөө автобусандаа суугаад яваад үзээч гэмээр байна гэсэн юм.
Иргэдийн хувьд өвөлдөө хүйтэн тул зорчиход хүндрэлтэй тул нийтийн тээврийн парк шинэчлэлтийг хийх хэрэгтэй гэж үзэж байлаа.
