Английн хөлбөмбөгийн премьер лигийн ээлжит тоглолтууд урьд шөнө явагдлаа.
Хүснэгтийн дээр бичигдэж буй Манчестер Сити, Лейстер, Вест Хам Юнайтед клубууд ээлжит хожлоо байгуулсан бол Ливерпүүл клуб хүснэгтийн сүүл мушгиж буй Брайтон клубт хожигдлоо.
Хүснэгтийг тэргүүлэгч Манчестер Сити клуб Бөрнлиг талбай дээр нь 2:0 харьцаагаар буулган авснаар тэргүүлэгчийн байраа хадгалахын сацуу 13 тоглолт дараалан хожил байгуулж байна. Харин Брайтон клубын хувьд хүснэгтийн дөрөвт бичигдэж буй хүчирхэг Ливерпүүлийг талбай дээр нь буулган авлаа. Брайтон клуб 1982 оноос хойш өнөөдрийг хүртэл Ливерпүүлийг хожиж чадаагүй байсан хар цувралдаа ийнхүү цэг тавилаа. Мөн түүнчлэн Брайтон клуб хоёр тоглолт дараалан Тоттенхам, Ливпүүл гэсэн хүчтэй багуудыг хожоод байна.
