Эрүүл мэндийн яам болон ХӨСҮТ-өөс өдөр бүр 11 цагт хийдэг хэвлэлийн хурал боллоо.
ХӨСҮТ-ийн Ерөнхий захирал Д.Нямхүү:
-Улсын хэмжээнд 1,408 хүнд өчигдөр шинжилгээ хийхэд коронавирус илрээгүй. 59 настай эмэгтэй эдгэрэн өнөөдөр эмнэлгээс гарав. Өчигдөр ХӨСҮТ-д нэг эх амаржиж, хүүтэй боллоо. Энэ эмэгтэй Нурсултан-УБ-ын тусгай үүргийн нислэгээр ирсэн гэв.
Монгол Улсад зөөвөрлөгдөн ирсэн халдварын батлагдсан тохиолдол 311 болсноос 302 нь эдгэрч гараад байна.
