Нийслэл хотын 380 жилийн ойн хүрээнд зохион байгуулагдаж буй “Улаанбаатар марафон-2019” өнөө жил маш өргөн цар хүрээг хамарчээ.
“Улаанбаатар марафон-2019”-д оролцохоор АНУ, БНХАУ8 Япон, Солонгос, Кени, ОХУ-ын өндөр зэрэглэлтэй тамирчид ирж оролцож байгаагаас гадна Монгол улсад ажиллаж, амьдарч буй 29 улс орны иргэн 300 гаруй хүн оролцжээ. Нийт дүнгээрээ 30 мянга гаруй хүн марафонд оролцсон байна.
“Улаанбаатар марафон-2019”-д оролцогчид 5км, 10км, 21км /хагас марафон/, 42 км/бүтэн марафон/ гэсэн дөрвөн зайд гүйсэн бөгөөд 15-34 нас, 35-54 нас, 55-аас дээш нас гэсэн ангиллаар байр эзлүүлсэн байна.
“Улаанбаатар марафон-2019”-ны шаналын сан жил ирэх бүр өсч, ивээн тэтгэгчдийн тоо ч нэмэгдсээр байгаа юм.
Энэ жил 42км-т түрүүлсэн тамирчин-10 сая
21км /1-р байр/ - 5 сая
10 км/1-р байр/- 500 мянга
5 км/1-р байр/-200 мянган төгрөгийн шагналын сантай юм.
Марафон дээр 150 гаруй зэрэглэлтэй шүүгч, 500 орчим оюутан сайн дураар ажиллаж байгаагаас гадна бүх тамирчдын цаг, амжилтыг чиптэй төхөөрөмж ашиглан тогтоож буйгаар илүү олон улсын жишигт ойртсон гэдгийг зохион байгуулагчид онцолж байлаа.
