Үзэгч сонсогчдынхоо амралтын өдөрт зориулан нэгэн гайхалтай тоглолтыг толилуулахаар бэлтгэлээ. Энэ бол Английн Keane хамтлагийн 2007 оны Лондон хотноо тоглосон "Under the Iron Sea Tour" амьд тоглолт юм.
Keane хамтлаг
Английн алдарт Keane хамтлаг 1995 онд анх байгуулагдаж байжээ. Тэд хамгийн анхны "Hopes and Fears" цомгоо 2004 онд гаргасан ба уг цомог гарсан даруйдаа Английн топ жагсаалтуудыг тэргүүлээд зогсохгүй олон улсад ч хит болж чадсан юм. Мөн түүнчлэн 2005 онд Англи улсад хамгийн олон хувь борлуулагдсан цомгийн дэд байранд орсон байдаг. Тэдний 2006 онд гаргасан студийн хоёр дахь "Under the Iron Sea" цомог мөн л хит жагсаалтуудыг тэргүүлсэн байдаг. Тэдний бусад хамтлагуудаас ялгарах гол онцлог нь гоцлол гитарын оронд даралтат хөгжмөөр гоцолдог нь сонсогчдод ихээхэн таалагддаг байна.
