ШУУД: АН-ын Ерөнхий нарийн бичгийн дарга Ц.Туваан, хэвлэл мэдээлэл хариуцсан нарийн бичгийн дарга О.Магнай нар цаг үеийн асуудлаар хэвлэлийн хурал хийлээ.
Нарийн бичгийн дарга О.Магнай:
-УИХ-ын гишүүн Л.Болд намаас гарах өргөдлөө өгсөн. Дөрөвдүгээр сарын 5-нд хаврын чуулган хуралдах байх. Үүнээс өмнө ямар ч байсан Л.Болд гишүүний асуудлыг бүрэн дүүрэн шийднэ. Л.Болд та амар сайхандаа жаргаарай гэж хэлмээр байна.
-С.Эрдэнэ даргыг солих яриа байхгүй. С.Эрдэнэ дарга 20 онд намаа удирдан сонгуульд орж, дүнгээ тавиулна.
-Ерөнхий сайд асан Ч.Сайханбилэгийн хувьд намын ротацид ороогүй гэдгийг та бүхэн мэдэж байгаа. Иймээс намын аппаратаас уулзалт хийгээгүй. Асуудал дууссаны дараа уулзалт хийх байх. Ер нь АН гэмт хэрэгт холбогдсон хэнийг ч хамгаалахгүй. Бид хууль хяналтын байгууллагад итгэж байгаа.
-Ерөнхий сайд асан Н.Алтанхуяг МАНАН бүлэглэл, шударга бусын хонгил гэж ярьж байгаа. Бидний хувьд Н.Алтанхуяг даргатай үл ойлголцол байхгүй. Харин Н.Алтанхуяг даргын хувьд байх шиг байна. Манай нам 200 мянган гишүүнтэй. Түүний мэдэгдлийн дараа намын олон мянган гишүүн ярьж эгдүүцлээ илэрхийлсэн. Намын дарга байсан хүн намын даргын сонгуульд уначихаад МАНАН гэж ярьж байгаад харамсаж байгаа. "Би ялагдвал бүгд ялагдах ёстой" гэж хандаж болохгүй. С.Эрдэнэ даргын үед МАН-тай ямар нэгэн хэлцэл, хамтарсан засагт орох асуудал байхгүй.
-ЖДҮХС-гийн зээлд холбогдсон манай намын гишүүн Батчимэг гэж хүн байгаа бол бид цагдаагийн байгууллагад өргөдөл өгч шалгуулна гэлээ.
Төгсгөлд нь та бүхэндээ, АН-ын хэвлэлийн бага хурлын үеэр тараасан мэдэгдлийг толилуулъя.
Уг нь хамтарч ажиллахыг МАНАН гээгүй, хамтарч хулгайлахыг МАНАН гээд байгаа юм биш үү Магнай гуай
АН ийм ойворгон сагсуу дүвчин эрээр н/б тавьж байлаг харамсалтай ярьж бггнь авах юм алга болд гишүүнийгамар сайхандаа. Жарга гэж тавлаж байлаг энэ нэг л биш шүүүү