ЗХЖШ-аас ажлын хэсэг гарч Дорноговь аймгийн Зүүнбаян дахь 336-р цэргийн анги дээр ажиллаад иржээ.
Энэ талаар Хуурай замын цэргийн командлагч Б.Амгаланбаатар:
-Тухайн өдөр хичээл орж байх үeд нэгэн цэрэг утсаар ярьжээ. Харин салбарын ахлагч сахилгын арга хэмжээ авч тухайн салааг гадаа талбай дээр гүйлгэсэн байдаг. Энэ үеэр талийгаач А "Амьсгаа авч чадахгүй байна" гэж хэлсэн байна. Ингээд гүйлтийг зогсоогоод талийгаачийг оронд нь оруулж хэвтүүлж, гар хөлөнд нь массаж хийн анхан шатны тусламж үзүүлэх гэж оролдсон.
Дараа нь хоёр дахь хичээл орж байх хооронд талийгаачийн биe муудсан учир цэргийн эмчийг дуудаж эмнэлэг явж байх хоорондоо нас барсан байна. Ингээд аймгийн цагдаагийнхан, хууль хяналтынхныг дууджээ.
Энэ бүхнээс үүдэн очиж ажилласан ажлын хэсэг:
1-рт Ангийн захирагч шийдвэр гаргахдаа цэргийн сахилгын дүрэм зөрчсөн,
2-рт Ангийн удирдлага нь өдөр тутмын үйл ажиллагаанд тавих хяналтаа сулруулсан
3-рт Эмнэлгийн анхны тусламжийг хожимдож үзүүлсэн гэсэн дүгнэлт хийжээ.
Тиймээс холбогдох албан тушаалтнуудад хариуцлага тооцуулахаар яаманд хандсан байна. Харин талийгаач цэргийг зодуураас болж нас барсан гэх асуултанд "Салбарын ахлагч нь цохисон асуудал бий. Гэхдээ тухайн цохиур үхэлд хүргэсэн эсэхийг хэлж мэдэхгүй байна" гэсэн юм.
Зүүн талын чихэвч ажиллахгүй байна
Дуу нь тасалдаад байна ш дээ