"Ногоон автобус"-ны гэх хэрэгт холбогдсон Нийслэл Улаанбаатар хотын авто замын түгжрэлийг бууруулах Үндэсний хорооны дарга асан Ж.Сүхбаатар тус хэргийн талаар байр сууриа илэрхийллээ.
УИХ-ын гишүүн Ж.Сүхбаатар:
-Ногоон автобусны хэрэг шүүхэд шилжсэн. Шүүгч танилцах ажиллагаа явагдаж байгаа. Миний хувьд эхлээд гэрчээр мэдүүлэг авч байснаа дараа нь яллагдагч болсон.
Эхний хорин ногоон автобусыг хүлээн авсан. Дараагийн 80 автобусыг хүлээж авахын өмнө тус асуудал олон нийтийн анхааралд өртсөн. Тэгээд хүлээж аваагүй.
Би өөрийгөө гэм буруугүй гэж үзэж байгаа. Эхний хорин автобусыг хүлээн авах үед нь хууль бусаар үүрэг даалгавар өгсөн гэж үзэж байгаа. Энэ нь тодорхой нотлох баримтгүй юм. Хэн нэгнийг буруутгах ёстой гээд намайг л болгож байх шиг байна. Би өөрийгөө гэм буруугүй гэдгээ нотолно.
Ногоон автобусны сонсгол явагдах гээд хянан шалгагч шинжээч томилогдоод явж байгаа юм шиг байна. Тэгээд судалж үзээд хэнийг дуудах эсэхээ шийддэг журамтай. Дуудсан тохиолдолд мэдээж очно. Тус сонсгол хязгаарлагдмал байдлаар явагдах юм билээ.
Сайд болчихоод ийм асуудалтай холбогдоно гэж бодоогүй. Гэхдээ ийм асуудалд орооцолдсон учраас УИХ-ын сонгуульд нэр дэвших нь ёс зүйгүй асуудал гэв.
