УИХ-ын чуулганы өчигдрийн хуралдаанаар инфляцийн зээлийн санхүүжилтийн асуудал хөндөгдсөн юм. Энэ хүрээнд УИХ-ын гишүүн Ц.Туваанаас тодрууллаа.
УИХ-ын гишүүн Ц.Туваан:
-Улсын төв банк бүрэн эрхийнхээ хүрээнд шаардлагатай тохиолдолд мөнгө хэвлэх арга хэмжээ авдаг. Ипотекийн зээл эрэлт ихтэй, зээлд хамрагдах иргэдийн дараалал үүссэн. Гэсэн ч үүнийг хангаж өгөхгүй байна. Эрэлт байвч нийлүүлэлт алга. Энэ асуудалд Монгол банк зохицуулалт хийж, арга хэмжээ авах хэрэгтэй.
Монгол банк 13 хувийн бодлогын хүү тавьчихаад банкнууд зээл олгохгүй байна. Зээл гарахгүй болохоор ямар ч мөнгөний эргэлт алга. Ипотекийн зээлийг мөнгө хэвлэж санхүүжүүлэх нь инфляцад нөлөөлөхгүй. Мах, гурил, шатахуун, барилгын материалын үнэд л инфляц нөлөөлнө гэв.
