Талийгаач цэргийн аав У.Ганбат 326 дугаар цэргийн ангийн камерын бичлэгийг үзэхээс түр татгалзжээ.
Зэвсэгт хүчний 326 дугаар ангийн хяналтын камерын бичлэгийг амиа алдсан цэргийн ар гэрийнхэнд өнөөдөр 14 цагаас үзүүлнэ гэж мэдээлж байсан. Гэсэн ч талийгаач аав болон өмгөөлөгчийн зүгээс ямар нэг бичигт гарын үсэг зурахгүйгээр 20 гаруй хоногийн камерын бичлэгийг үзэхээс татгалзсан байна.
Талийгаачийн аав У.Ганбат:
-Би эрүүл саруул хүүхдээ цэргийн албанд өгсөн. Миний хүүхдийг эрүүл гэдгийг нь батлаад авч явсан. Ухаалаг, сурлага сайтай хүү байсан. Би камерын бичлэг, задлан хоёрт л итгэж байгаа. Бичлэг үзэхээр болбол гарын үсэг зур гэж хэлсэн. Тиймээс би гарын үсэг зурахгүйгээр бичлэг үзнэ гэдгээ хэлсэн. Нууц эсэхийг нь би сайн мэдэхгүй байна. Ажил явдал нь дууссаны дараа тус асуудалд илүү онцгойлон анхаарна гэв.
Өмгөөлөгчийн зүгээс "Албан ёсоор хохирогчийн хууль ёсны төлөөлөгчөөр төрсөн эцэг буюу У.Ганбат болж байна. Хэрэг хянан шийдвэрлэх ажиллагаанд цагдаагийн байгууллагаас үзлэг буюу камерын бичлэг хийх оролцох боломжоор хангасан.
У.Ганбат гуайн хувьд олон цаг шаардсан ажил болох нь гэж үзээд бичлэг үзэхээс татгалзсан. Бичлэгийг үзүүлэхэд 20 гаруй хоног шаардлагатай. Гэтэл ажил явдал болж байгаа учраас бид хоёр нууцын баталгаанд гарын үсэг зурахаас татгалзлаа. Гэхдээ огт үзэхгүй гэсэн үг биш.
Өмгөөлөгчийн зүгээс мөрдөн шалгах ажиллагаанд чухал ач холбогдолтой ажил хийж гүйцэтгэх тухай есөн хүсэлт гаргаад байна. Тухайлбал, хэргийн эд материалуудыг хадгалах хүсэлт гаргалаа. Сайдын хэлсэн мэдээлэлд хохирогчийн ар гэрээс гомдол гаргана гэж төлөвлөж байна. Ээжийн сэтгэл санаа маш хүнд байгаа" гэв.
Камерын бичлэг ч худ байж мэднэ, засвар хийсэн эвлүүлэгтэй байж магад. Задлангийн хариуг ч худ гаргаж мэднэ. Юунд ч бүү ттгэ. Гагцхүү хамт байсан цэргүүдээс асуу гэхдээ тэд айгаад хэлэх болуу