Хөшигийн хөндийн дагуул хотын бүтээн байгуулалтын ажлын хүрээнд 19390,4 га газар чөлөөлөлтийн ажил хийгдэж байна.
Уг улсын тусгай хэрэгцээнд авсан газар болон Богдхан төмөр замын трасст Төв аймгийн Алтанбулаг суманд 1200 өмчилсөн газар, эзэмших эрхтэй 135 нэгж талбар, Сэргэлэн суманд эзэмших эрхтэй 1153 нэгж талбар өртөөд байна. Үүнээс гадна эрх зүйн харилцаа үүсээгүй газар ашиглалтууд болон өвөлжөө, хаваржааны газрууд ч мөн байгаа бөгөөд нүүлгэн шилжүүлэлтийн төлөвлөгөөгөөр тусгай хэрэгцээний газарт өртсөн бүх нэгж талбарыг чөлөөлөх юм.
Газар чөлөөлөлтийн ажил энэ сарын 25-наас эхэлсэн бөгөөд он дуустал үргэлжлэх аж.
Өнөөдрийн байдлаар 1200 өмчилсөн газраас 350 нэгж талбарын байршлыг шилжүүлжээ. Иргэд газрын албатай харилцан тохиролцож, газраа шилжүүлж байгаа юм. Шилжүүлэн байршуулж буй Бөхөгийн хөндийн байршил нь сумын нутаг дэвсгэрийн хөгжлийн төлөвлөгөөгөөр зам, шугам сүлжээ, инженерийн байгууламж бүхий суурьшлын бүс болохоор төлөвлөсөн газар аж.
Төв аймгийн Алтанбулаг болон Сэргэлэн суманд өмчилсөн газартай иргэд сумын газрын албатай холбогдохыг албаныхан хүсэж байна
Яагаад анхнаасаа өмчлүүлсэн юм бэ?
Sumiin zasag duraaraa ugchdug yumaa, eswel songuuliar gerchilgee taraachihdag garuudshde