Баянзүрх дүүргийн засаг дарга Н.Баярмөнх, холбогдох удирдлагууд дүүргийн 19-р хороо Цайз захын орчимд зам дагуу бизнес эрхэлж байгаа иргэн, аж ахуй нэгжүүдийн төлөөлөлтэй уулзлаа.
Энэ үеэр дүүрэг орон нутгийн зүгээс бизнес эрхэлж байгаа иргэдээ дэмжиж, хамтран ажиллана гэдгээ илэрхийлсэн байна. Гэхдээ нийтийн эзэмшлийн талбай, явган хүний зам хааж үйл ажиллагаа явуулахгүй байхыг хүслээ.
Учир нь тус хэсэгт аж ахуй нэгжүүд явган хүний замыг хааж, худалдаа эрхэлж байгаа. Энэ нь иргэд чөлөөтэй зорчих боломжгүй нөхцөл байдал үүсгээд байна.
Мөн сургууль, цэцэрлэгийн үйл ажиллагаа эхлэх гэж байгаа учраас хүүхдүүд зам тээврийн осолд өртөх эрсдлийг нэмэгдүүлэх болно гэсэн юм. Бизнес эрхлэгчид ч энэхүү саналыг хүлээн авсан, явган хүний замыг чөлөөлж, цаашлаад худалдаа үйлчилгээ эрхэлж байгаа зам, талбайгаа тохижуулахаар болжээ.
