Хан-Уул дүүргийн хоёрдугаар хорооны ногоон байгууламж, хүүхдийн тоглоомын талбай байх ёстой нийтийн эзэмшлийн талбайд "Марта грийн" ХХК барилга барих болсныг оршин суугчид эсэргүүцэж, дургүйцлээ илэрхийлээд байсан.
Тэгвэл Нийслэлийн Засаг дарга бөгөөд Улаанбаатар хотын захирагч Д.Сумъяабазар Хан-Уул дүүргийн хоёрдугаар хорооны Нэхмэлийн шар байрны оршин суугчдын төлөөлөлтэй уулзаж, нөхцөл байдалтай газар дээр нь очиж танилцлаа.
Тэрбээр энэ үеэр “Оршин суугчдад хандаж хэлэхэд энэ газарт ямар ч орон сууц барихгүй гэдгийг албан ёсоор хэлж байна. Энэ газарт оршин суугчдын хүсэлтээр доороо авто зогсоолтой, дээрээ ногоон байгууламж бүхий бүтээн байгуулалт хийх тал дээр анхаарна. Иргэд мөн саналаа өгөх хэрэгтэй” хэмээн ярилаа.
