Английн хөлбөмбөгийн Премьер лигийн ээлжит тоглолтод Челси клуб дахин ялалт байгууллаа.
Уналтад ороод байсан Челси клуб шинэ дасгалжуулагч Томас Тучелийн удирдлага дор дахин нэг ялалт байгууллаа. Энэ удаа тэд Тоттенхамын талбайд зочлон тоглож 1:0 харьцаагаар хожлоо. Тоглолтын цорын ганц гоолыг 24 дэх минутад Жоргино торгуулийн цохилтоор оруулсан байна.
Ийнхүү ялалт байгуулсан Челси клуб 36 оноотойгоор хүснэгтийг зургаа дугаар байр руу дэвшсэн бол Тоттенхам клубын хувьд 33 оноотойгооо хүснэгтийн найм дугаар байр руу ухарлаа.
Тоглолтын дараа гурван тоглолт дараалан ялагдал хүлээгээд байгаа шалтгааныг нь Г.Бэйлийг талбайд гаргахгүй байгаатай холбон Жозе Моуриногоос асуухад: "Сайхан асуулт байна. Гэхдээ хариултыг нь чи мэдэх шаардлагагүй" хэмээн хариулсан байна.
