Румын улсын нийслэл Бухарест хотод 23 хүртэлх насны бөхийн төрлүүдийн 2018 оны ДАШТ 11 сарын 12-18-нд зохион байгуулагдаж байна.
Өчигдөр орой эмэгтэй чөлөөт бөхийн 50-55-59-68-76кг жингийн тойргийн барилдаанууд явагдаж манай бөхчүүдээс 68кг жинд барилдсан УАШТ-ий мөнгө, хошой хүрэл медальт, “Арслан” клубийн тамирчин, спортын мастер М.Хишигмаа хүрэл медалийн төлөө өнөө шөнө АНУ-ын тамирчин Александриа Жунис Глаудетай барилдана.
1/8-т Румын улсын бөх Ана Симона Буйбартай барилдаж 10-0 цэвэр хожсон юм.
1/4-д Унгар улсын бөх Николетта Рената Смолкатай барилдаж 7-0 цэвэр хожсон юм.
Хагас финалд Японы бөх Мива Мориковатай барилдаж 2-0 харьцаагаар хожигдож өнөө орой хүрэл медалийн төлөө АНУ-ын Александриа Жунис Глаудетай барилдах юм.
