Эрүүл мэндийн яамнаас коронавируст халдварын нөхцөл байдлын талаарх цаг үеийн ээлжит мэдээллээ хийлээ.
ОХУ-аас аравдугаар сарын 4-нд Алтанбулагийн боомтоор орж ирсэн 36 настай, ОХУ-ын тээврийн жолоочоос "COVID-19"-ийн халдвар илэрсэн байна. Ингэснээр Монгол Улсад өнөөдрийн байдлаар коронавируст халдварын зөөвөрлөгдсөн нийт 315 тохиолдол бүртгэгдсэнээс 308 нь буюу 98 хувьтай эдгээд байна.
Мөн, 57 настай нэг эмэгтэй эдгэрч, ХӨСҮТ-өөс гарч, сувилал руу шилжлээ. Энэ хүн есдүгээр сарын 2-нд Сиатл-Улаанбаатар чиглэлийн тусгай үүргийн онгоцоор ирсэн.
Эдгэрсэн хүмүүсийн 10 нь сувилалд, дөрөв нь гэрийн ажиглалтад, үлдсэн 294 хүний ажиглалт, тандалтын хугацаа дууссан. Өнөөдрийн байдлаар ХӨСҮТ-д долоон хүн эмчлэгдэж байна. Биеийн байдлыг үнэлбэл, зургаа нь хөнгөн, нэг хүн нь хүндэвтэр байна.