Эрүүл мэндийн яамнаас тогтмол хүргэдэг Ковид-19 цар тахлын нөхцөл байдлын мэдээллийг танилцуулж байна.
Өнгөрсөн долоо хоногт коронавирусийн өвчлөл дэлхий дахинд хоёр саяар нэмэгдэж нийт өвлөгсдийн тоо 24 сая руу дөхжээ. Энэтхэг, Перу улсуудад эрчимтэй нэмгдэж байна. Мөн БНСУ-д сүмийн цугларалт, кофе шоп зэргийн үйл ажиллагаанаас болж халдвар нэмэгдэж байна. Ер нь дэлхий дахинд коронавирусийн халдварын хоёр дахь давлагаа эхэлж байна гэж ДЭМБ үзэж байна.
Хичээлийн шинэ жил эхлэхтэй холбоотойгоор дэлхийн улс орнууд хичээл, сургуулийн бэлтгэлээ хийж байгаа ч ихэнх улс орнууд халдвар, хамгаалалтын дэглэмийг мөрдүүлж, шинэ нөхцөл байдлаар хичээллүүлэхээр зорьж байна. Тухайлбал, анги дүүргэлтийг багасгаж, нэг ширээ-нэг хүн гэсэн хөтөлбөр хэрэгжүүлж байна. Зургаагаас доош насны хүүхэд байнга амны хаалт зүүх, гар ариутгагч анги танхимд байршуулах, хүүхдийг аль болох нийтийн тээврээр явуулахгүй байх, сургуулийн болон хувийн унаагаар явуулахыг уриалж байна.
Харин манай улсын хувьд өчигдөр буюу 08-р сарын 29-нд нийт 559 хүнд шинжилгээ хийхэд коронавирус илрээгүй байна. Үүнд тусгай үүргийн онгоцоор ирсэн иргэд болон Замын-Үүд, Алтанбулагийн боомтоор орж ирж буй иргэдийн анхны шинжилгээнүүд ч багтжээ.
Манай улсд нийт 301 хүн коронавирусийн халдвар авсан ч 295 нь эмчлэгдэн гараад байна.
